Сэтгэлийн шивнээ

Мянган газрын холоос

Даян хайрхан санагдана
Алаг хонгор үрсийг минь
Авран энэрсэн эцэг уул аа

Сүслэн шивнэх үгийг минь

Салхин үзүүрээс сонсов уу
Сар, нарны гэрлээр эвээн тэтгэж соёрхов уу

Түмэн газрын тэртээгээс
Товцог хайрхан сүүмэлзэнэ
Танхил алаг үрсийг минь
Таалан хайрласан эх уул аа

Сүслэн шивнэх үгийг минь
Салхин үзүүрээс сонсов уу
Сар, нарны гэрлээр эвээн тэтгэж соёрхов уу

Олон бээрийн газраас

Очирваань уул цайвалзана

Орчлонд зулайлсан дүүсийг минь

Өмөөрөн нийгүүлссэн өвөг уул аа

Сүслэн шивнэх үгийг минь
Салхин үзүүрээс сонсов уу
Сар, нарны гэрлээр эвээн тэтгэж соёрхов уу

Алслан цэнхэртэх нутгаас

Алгын дөрөлж гөвөлзөнө

Ахан дүүс олныг минь

Авран болгоосон эмэг тал аа

Сүслэн шивнэх үгийг минь
Салхин үзүүрээс сонсов уу
Сар, нарны гэрлээр эвээн тэтгэж соёрхов уу

Адъагийн зөвлөмж, санаагаар дүрслэв.

П. Дэмбэрэл, Д. Адъяажав

Улиастай хот

2010.08.18